CORSICA linea, cumpagnia maritima custruita nant’à un doppiu ancraghju trà a Corsica è Marsiglia.

CORSICA linea, cumpagnia maritima custruita nant’à un doppiu ancraghju trà a Corsica è Marsiglia. Nata in u 2016, CORSICA linea hè una cumpagnia maritima maestra in u Mediterraniu nantu à dui settori d'attività: u trasportu di merci è di passageri.Cumposta da una flotta di 9 navi (2 ferries è 7 cargos misti) sottu bandiera francese di primu registru, CORSICA linea conta 1 400 impiegati, frà i quali 900 marinari. A cumpagnia hè cusì u primu impiegatore di marinari francesi in u Mediterraniu. A so sede hè in Aiacciu.

Da Marsiglia, CORSICA linea assicura tuttu l’annu e linee versu i porti di Corsica (Bastia, Aiacciu, Prupià è l’Isula Rossa) in u quadru di a so missione di serviziu publicu. Ella assicura dinù e rotazioni versu l’Algeria (Algeri, Béjaïa è Skikda) è a Tunisia (Tunisi).In quantu à una cumpagnia maritima durèvule è rispunsevule, CORSICA linea ùn ferma di sviluppassi mentre stà attaccata à i so trè pilastri fundamentali: a satisfazione di u cliente, l’ingaggiu suciale è a transizione energetica.

Fidele à a so pulitica ambientale, CORSICA linea hà dinù dedicatu energia, cumpetenze è risorse finanziarie impurtante per accelerà l’inverdimentu di a so flotta. Da a cunnessione elettrica di e navi à u molo in Marsiglia, finu à a riduzzione significativa di e so emissioni atmosferiche, parechji investimenti sò stati iniziati in a flotta per risponde attivamente à e sfide regulatorie in evoluzione constante.In u 2023, l’impegnu di CORSICA linea s’intensifica cù u dispiegamentu d’un pianu maiò di transizione ambientale, chì combina a sobrietà di u sfruttamentu di e navi, l’efficacità energetica di tutta a so flotta è l’utilizazione prugressiva di carburanti alternativi decarbonizati.À a fine di u 2024, e prime azzione realizate permetteranu di affissà una riduzzione di 15% di e nostre emissioni di CO2 per milla nauticu, in paragone à u 2022 – u nostru annu di riferimentu.Cusì, l’ubbiettivu di CORSICA linea hè chjaru: riduce di 40% e so emissioni di CO2 à l’orizonte di u 2030 (rispettu à u 2022) è avvicinassi à a neutralità carbonica in u 2040.